Žycharka Bierlina stała suśvietnaj rekardsmienkaj pa kolkaści marafonaŭ
Jana prabiehła 367 marafonaŭ.
Bild
Napiaredadni 38‑hadovaja Džojs Chiubnier prabiehła svoj 367‑y marafon — rekord byŭ ustalavany ŭ fiederalnaj ziamli Nižniaja Saksonija, piša Bild.
Da hetaha pieršynstva trymała 56‑hadovaja bielhijka Childa Dasańje, jakaja prabiehła 366 marafonaŭ.
Adnak na hetym Chiubnier spyniacca nie źbirajecca: da kastryčnika jana płanuje prabiehčy praz kožny z 2059 haradoŭ Hiermanii.
Ahulnaja daŭžynia maršrutu (z ulikam užo prabiehłaha šlachu) składaje bolš za 21 tysiaču kiłamietraŭ, abo 495 marafonskich dystancyj. Doŭhi zabieh bierlinka źbirajecca zaviaršyć hrandyjoznym finałam 8 kastryčnika na Alimpijskim stadyjonie ŭ niamieckaj stalicy.
Svoj zabieh Chiubnier pačała kala hoda tamu. Dziela jaho dypłamavanaja śpiecyjalistka pa biznes-administravańni zvolniłasia z pracy. Da hetaha času joj udajecca paźbiahać traŭm i surjoznych incydentaŭ.