УСУ ўзялі пад агнявы кантроль акупаваную Горлаўку

Украінскія вайскоўцы паведамілі, што ўзялі пад агнявы кантроль акупаваную з 2014 года Горлаўку ў Данецкай вобласці. Пра гэта заявіла 28‑я асобная механізаваная брыгада імя Рыцараў Зімовага паходу.

Скрыншот з відэа

Паводле паведамлення брыгады, аператары беспілотнікаў усё часцей наносяць удары па расійскай лагістыцы ў раёне горада. Пад атакі трапляюць грузавікі, легкавыя аўтамабілі, квадрацыклы і іншы транспарт, які выкарыстоўваецца для забеспячэння расійскіх войскаў.

Украінскія вайскоўцы сцвярджаюць, што цяпер транспарт, які накіроўваецца ў Горлаўку, рэгулярна становіцца цэллю для ўдараў беспілотнікаў. Сам горад знаходзіцца прыкладна за 35—40 кіламетраў ад украінскіх пазіцый.

У брыгадзе адзначаюць, што пашырэнне магчымасцяў для такіх удараў стала вынікам вопыту аператараў дронаў, каардынацыі паміж падраздзяленнямі і падтрымкі грамадзян, а не толькі выкарыстання новай тэхнікі.

Раней паведамлялася пра актыўны кантроль маршрутаў забеспячэння расійскіх войскаў у раёне Марыупаля, а таксама пра выкарыстанне новых беспілотных сістэм для ўдараў па транспартнай інфраструктуры і вайсковых перавозках у глыбокім тыле расійскіх войскаў.

Каментары да артыкула