Галоўнага пракурора МКС, які выдаў ордар на арышт Пуціна, адхілілі ад пасады
Пракурора Міжнароднага крымінальнага суда Карыма Хана, які выдаў ордар на арышт Уладзіміра Пуціна, адхілілі ад пасады да прыняцця канчатковага рашэння аб дысцыплінарнай справе ў сувязі з абвінавачаннямі на яго адрас у сэксуальных дамаганнях.
Карым Хан. Фота: AP Photo/Ariana Cubillos
Адпаведная заява была апублікавана на сайце суда.
Рашэнне ўступае ў сілу неадкладна, а дысцыплінарную справу перадалі на разгляд Асамблеі дзяржаў-удзельніц.
У лістападзе 2024 года асамблея дзяржаў-удзельніц МКС ініцыявала расследаванне ў дачыненні да Хана паводле справы аб дамаганнях і рэкамендавала яму перадаць паўнамоцтвы.
Пазней, у маі 2025 года, на фоне абвінавачанняў у сэксуальных дамаганнях Хан пайшоў у адміністрацыйны адпачынак.
Чытайце таксама:
Пракурора Міжнароднага крымінальнага суда абвінавацілі ў дамагальніцтвах, ён часова пакінуў пасаду