ДТЗ у Буда-Кашалёўскім раёне: машына ўрэзалася ў бетонны паркан, кіроўца загінуў
Смяротная аварыя адбылася раніцай 9 чэрвеня ў вёсцы Уза Буда-Кашалёўскага раёна Гомельскай вобласці. У выніку ДТЗ адзін чалавек загінуў, яшчэ адзін дастаўлены ў бальніцу.
Паводле папярэдняй інфармацыі, каля 5:30 раніцы 42‑гадовы кіроўца аўтамабіля Audi страціў кантроль над кіраваннем. Аўтамабіль занесла, пасля чаго ён на хуткасці пратараніў бетонны паркан.
Удар быў такой сілы, што кіроўца загінуў на месцы здарэння ад атрыманых траўмаў. У салоне таксама знаходзіўся 34‑гадовы пасажыр — ён выжыў, але атрымаў шматлікія пашкоджанні і быў тэрмінова шпіталізаваны.