DTZ u Buda-Kašaloŭskim rajonie: mašyna ŭrezałasia ŭ bietonny parkan, kiroŭca zahinuŭ
Śmiarotnaja avaryja adbyłasia ranicaj 9 červienia ŭ vioscy Uza Buda-Kašaloŭskaha rajona Homielskaj vobłaści. U vyniku DTZ adzin čałaviek zahinuŭ, jašče adzin dastaŭleny ŭ balnicu.
Pavodle papiaredniaj infarmacyi, kala 5:30 ranicy 42‑hadovy kiroŭca aŭtamabila Audi straciŭ kantrol nad kiravańniem. Aŭtamabil zaniesła, paśla čaho jon na chutkaści prataraniŭ bietonny parkan.
Udar byŭ takoj siły, što kiroŭca zahinuŭ na miescy zdareńnia ad atrymanych traŭmaŭ. U sałonie taksama znachodziŭsia 34‑hadovy pasažyr — jon vyžyŭ, ale atrymaŭ šmatlikija paškodžańni i byŭ terminova špitalizavany.