«Які ж ён класны!» Мінчукі захапляюцца скульптурай ВАЛЛ-І на запраўцы «Беларуснафты»
Жыхар Мінска Аляксандр Кузьміч падзяліўся ў сацыяльных сетках незвычайнай знаходкай на адной з заправачных станцый «Беларуснафты». Падчас запраўкі аўтамабіля ён заўважыў там скульптуру робата ВАЛЛ-І і апублікаваў яе фота, піша Blizko.by.
Арт-аб’ект знаходзіцца на АЗС па вуліцы Сярова, 2. Ён выкананы ў выглядзе вядомага робата-прыбіральшчыка ВАЛЛ-І — галоўнага героя папулярнага анімацыйнага фільма студый Disney і Pixar. Мультфільм атрымаў шэраг прэстыжных узнагарод, у тым ліку «Оскар» і «Залаты глобус».
Аўтар допісу коратка выказаў сваё захапленне: «Які ж ён класны!»
У каментарыях многія карыстальнікі падтрымалі яго меркаванне. Робат выклікаў у людзей цёплыя эмоцыі і ўсмешкі. Сярод водгукаў былі такія:
«Які мілашка».
«Сюды б яшчэ ЕВУ, а то ВАЛЛ-І вельмі самотны».
«Вочкі добрыя».
Чытайце таксама:
У Гродне паставілі скульптуру аленя святога Губерта
Стваральнік «Зорных войнаў» рыхтуе да адкрыцця свой футурыстычны музей коштам мільярд даляраў ФОТЫ
У Старых Дарогах над ракой паставілі скульптуры Вадзяніка і Русалкі ФОТАФАКТ
Каля гіганцкага зубра на трасе М1 адкрыюць кавярню з татарскай кухняй