Стала вядома, калі абітурыенты атрымаюць вынікі тэстаў
У Рэспубліканскім інстытуце кантролю ведаў паведамілі тэрміны атрымання вынікаў ЦТ і ЦЭ па профільных прадметах і мовах.
Вынікі тэставання па профільных прадметах, якое адбылося 2 чэрвеня, абітурыенты атрымаюць 16 чэрвеня з 15:00 да 18:00 праз бясплатныя SMS-паведамленні.
Вынікі выпрабаванняў па мовах, якія прайшлі 5 чэрвеня, стануць вядомыя 18 чэрвеня з 15:00 да 20:00.
Таксама ў асабістых кабінетах удзельнікаў ЦЭ і ЦТ з’явяцца копіі іх бланкаў з адказамі. Яны будуць даступныя на наступны дзень пасля абвяшчэння вынікаў.
Пры гэтым абітурыентаў папярэдзілі пра выпадкі махлярскіх паведамленняў з невядомых нумароў або са спасылкамі і заклікалі не адкрываць іх.
У РІКВ нагадалі, што афіцыйныя паведамленні прыходзяць толькі ад адпраўніка rikc.by, у іх пазначаюцца толькі назва прадмета, набраны бал і нумар бланка. Ніякіх спасылак у такіх SMS няма.
Чытайце таксама:
«17 стабальнікаў у аднаго настаўніка». Віцебская гімназія пабіла рэкорд Ліды
Анулявалі вынікі на ЦТ школьнага выдатніка, які апублікаваў фотаздымкі тэставых заданняў
У інтэрнэце апублікавалі заданні ЦТ — парушальнікаў ужо знайшлі
У БНТУ ўводзяць электронную чаргу пры падачы дакументаў на паступленне