«Белавія» ўвяла ў эксплуатацыю апошні набыты Airbus A 330‑200
У авіякампаніі «Белавія» пачынае палёты борт EW-589PD. Цяпер у беларускага авіяперавозчыка тры далёкамагістральныя самалёты Airbus A330-200.
Фота: «Белавія»
«Шырокі сілуэт, вытанчаныя лініі і EW-589PD, які прыгожы ў любым ракурсе.
Яшчэ адзін улюбёнец аб'ектываў пачынае сваю лётную біяграфію!
Цяпер усе 3 Airbus A 330‑200 у шыхтах Belavia», — паведаміла прэс-служба авіякампаніі.
Прэзентацыя новага тыпу паветранага судна, які лётае на вельмі далёкія адлегласці і быў набыты ў Гамбіі ў абыход санкцый, адбылася ў Нацыянальным аэрапорце Мінск у чэрвені мінулага года. Першы далёкамагістральны рэйс стартаваў з Мінска на кітайскі востраў Хайнань, у горад Санья. У другой палове 2025 года перавозчык увёў у эксплуатацыю другі Airbus А330-200, а вось цяпер на паветраныя лініі выходзіць і трэці.
Чытайце таксама:
«Белавія» адновіць рэйсы на Шры-Ланку
«Белавія» павышае тарыфы на правоз багажу