У Глускім раёне знайшлі цела мужчыны, які знік у лесе яшчэ летась
Ратавальнікам 14 чэрвеня паступіла паведамленне аб знаходжанні цела мужчыны ў балоце недалёка ад вёскі Баравішча Глускага раёна. Пра гэта паведамілі ў Таварыстве ратавання на водах.
Фота: Таварыства ратавання на водах
Пенсіянер 1941 года нараджэння знік яшчэ ў кастрычніку 2025 года. Тады ён адправіўся з жонкай па грыбы ў лес паблізу вёскі Вольніца і заблукаў. Нягледзячы на арганізаваныя пошукавыя мерапрыемствы, знайсці яго тады не ўдалося, і мужчына лічыўся зніклым без вестак.
Загінулага знайшоў мясцовы жыхар. Паводле слоў відавочцы, падчас збірання грыбоў ён заўважыў цела ў вадзе прыкладна за 4 метры ад берага. Неўзабаве супрацоўнікі МНС выцягнулі загінулага з балота.
Чытайце таксама:
Ці праўда, што зніклых у апошнія гады стала больш?
На ўчастку доктаркі-патолагаанатама ў Польшчы знайшлі парэшткі 32 ненароджаных дзяцей