U Hłuskim rajonie znajšli cieła mužčyny, jaki źnik u lesie jašče letaś
Ratavalnikam 14 červienia pastupiła paviedamleńnie ab znachodžańni cieła mužčyny ŭ bałocie niedaloka ad vioski Baravišča Hłuskaha rajona. Pra heta paviedamili ŭ Tavarystvie ratavańnia na vodach.
Fota: Tavarystva ratavańnia na vodach
Piensijanier 1941 hoda naradžeńnia źnik jašče ŭ kastryčniku 2025 hoda. Tady jon adpraviŭsia z žonkaj pa hryby ŭ les pablizu vioski Volnica i zabłukaŭ. Niahledziačy na arhanizavanyja pošukavyja mierapryjemstvy, znajści jaho tady nie ŭdałosia, i mužčyna ličyŭsia źnikłym bieź viestak.
Zahinułaha znajšoŭ miascovy žychar. Pavodle słoŭ vidavočcy, padčas źbirańnia hryboŭ jon zaŭvažyŭ cieła ŭ vadzie prykładna za 4 mietry ad bieraha. Nieŭzabavie supracoŭniki MNS vyciahnuli zahinułaha z bałota.
Čytajcie taksama:
Ci praŭda, što źnikłych u apošnija hady stała bolš?
Na ŭčastku doktarki-patołahaanatama ŭ Polščy znajšli pareštki 32 nienarodžanych dziaciej
U Hłusku žančyna znajšła ŭ siabie na ŭčastku niezvyčajny hryb