Пезешкіян назваў мемарандум з ЗША гістарычным
«Гэта гістарычны дакумент і пасланне магутнага Ірана: мір будзе дасягнуты ва ўмовах узаемнай павагі», — напісаў прэзідэнт Ірана.
Масуд Пезешкіян. Фота: Iranian Presidency / Anadolu via Getty Images
«Ісламская Рэспубліка Іран заўсёды прытрымлівалася справы міру ва ўсім свеце, захоўваючы пры гэтым сваю годнасць і незалежнасць, а таксама прагрэс і рэгіянальнае супрацоўніцтва», — сказаў ён.
Раней паведамлялася, што Іран і ЗША падпісалі папярэдняе мірнае пагадненне. Мемарандум аб узаемаразуменні тэрмінам на 60 дзён прадугледжвае спыненне ваенных дзеянняў на ўсіх франтах, уключаючы Ліван, зняцце санкцый з Тэгерана і стварэнне фонду аднаўлення Ірана.
«Яно падпісанае. Падпісанае ў Версалі. Я толькі што падпісаў яго», — пацвердзіў Трамп пасля сустрэчы з прэзідэнтам Францыі Эмануэлем Макронам у Версальскім палацы.
Пры гэтым Трамп чарговы раз прыгразіў аднавіць атакі, калі Іран не выканае сваіх абавязанняў.