Piezieškijan nazvaŭ miemarandum z ZŠA histaryčnym
«Heta histaryčny dakumient i pasłańnie mahutnaha Irana: mir budzie dasiahnuty va ŭmovach uzajemnaj pavahi», — napisaŭ prezident Irana.
Masud Piezieškijan. Fota: Iranian Presidency / Anadolu via Getty Images
«Isłamskaja Respublika Iran zaŭsiody prytrymlivałasia spravy miru va ŭsim śviecie, zachoŭvajučy pry hetym svaju hodnaść i niezaležnaść, a taksama prahres i rehijanalnaje supracoŭnictva», — skazaŭ jon.
Raniej paviedamlałasia, što Iran i ZŠA padpisali papiaredniaje mirnaje pahadnieńnie. Miemarandum ab uzajemarazumieńni terminam na 60 dzion praduhledžvaje spynieńnie vajennych dziejańniaŭ na ŭsich frantach, uklučajučy Livan, źniaćcie sankcyj z Tehierana i stvareńnie fondu adnaŭleńnia Irana.
«Jano padpisanaje. Padpisanaje ŭ Viersali. Ja tolki što padpisaŭ jaho», — paćvierdziŭ Tramp paśla sustrečy z prezidentam Francyi Emanuelem Makronam u Viersalskim pałacy.
Pry hetym Tramp čarhovy raz pryhraziŭ adnavić ataki, kali Iran nie vykanaje svaich abaviazańniaŭ.