Канада дэкласавала Катар, а Мексіка першай выйшла ў плэй-оф
На чэмпіянаце свету па футболе пачаліся матчы другога тура
Канадзец Кайл Ларын радуецца забітаму голу. Фота: Fran Santiago/Getty Images
Зборная Канады разграміла Катар з лікам 6:0.
Форвард «Ювентуса» Джонатан Дэвід аформіў хет-трык, а ў матчы зафіксаваны чарговы аўтагол: у свае вароты пацэліў Махамед аль-Манай. Гэта ўжо шосты аўтагол на мундыялі.
Мексіка мінімальна перамагла Паўднёвую Карэю з лікам 1:0 і стала першай зборнай, што выйшла ў плэй-оф, выйграўшы групу А.
Учора Чэхія і Паўднёвая Афрыка згулялі ўнічыю (1:1), а Швейцарыя разграміла Боснію і Герцагавіну — 4:1.
Група А (пасля двух тураў): Мексіка — 6, Паўднёвая Карэя — 3, Чэхія, Паўднёвая Афрыка — 1.
Група В: Канада, Швейцарыя — 4, Боснія, Катар — 1.
Канада і Швейцарыя таксама амаль гарантавалі сабе плэй-оф.
Сёння а 22‑й матч ЗША — Аўстралія, а ў ноч на суботу адразу тры гульні: Шатландыя — Марока (гадзіна ночы), Бразілія — Гаіці (03:30), Турцыя — Парагвай (06:00).