Kanada dekłasavała Katar, a Mieksika pieršaj vyjšła ŭ płej-of
Na čempijanacie śvietu pa futbole pačalisia matčy druhoha tura
Kanadziec Kajł Łaryn radujecca zabitamu hołu. Fota: Fran Santiago/Getty Images
Zbornaja Kanady razhramiła Katar ź likam 6:0.
Forvard «Juvientusa» Džonatan Devid aformiŭ chiet-tryk, a ŭ matčy zafiksavany čarhovy aŭtahoł: u svaje varoty paceliŭ Machamied al-Manaj. Heta ŭžo šosty aŭtahoł na mundyjali.
Mieksika minimalna pieramahła Paŭdniovuju Kareju ź likam 1:0 i stała pieršaj zbornaj, što vyjšła ŭ płej-of, vyjhraŭšy hrupu A.
Učora Čechija i Paŭdniovaja Afryka zhulali ŭničyju (1:1), a Šviejcaryja razhramiła Bośniju i Hiercahavinu — 4:1.
Hrupa A (paśla dvuch turaŭ): Mieksika — 6, Paŭdniovaja Kareja — 3, Čechija, Paŭdniovaja Afryka — 1.
Hrupa V: Kanada, Šviejcaryja — 4, Bośnija, Katar — 1.
Kanada i Šviejcaryja taksama amal harantavali sabie płej-of.
Siońnia a 22‑j matč ZŠA — Aŭstralija, a ŭ noč na subotu adrazu try hulni: Šatłandyja — Maroka (hadzina nočy), Brazilija — Haici (03:30), Turcyja — Parahvaj (06:00).