З беларускіх цяжкаатлетаў знялі ўсе спартыўныя абмежаванні
Выканаўчы савет Міжнароднай федэрацыі цяжкай атлетыкі (IWF) прыняў рашэнне зняць усе ранейшыя абмежаванні для беларускіх спартсменаў. Цяпер беларускія цяжкаатлеты ўсіх узроставых катэгорый змогуць удзельнічаць у міжнародных спаборніцтвах пад эгідай IWF.
Здымак ілюстрацыйны. Фота: magnific.com
У федэрацыі адзначылі, што рашэнне прынята ў адпаведнасці з нядаўнімі рэкамендацыямі Міжнароднага алімпійскага камітэта.
Раней у 2026 годзе ўдзел у міжнародных турнірах ужо быў дазволены беларускім юнакам і юніёрам. Цяпер гэтае рашэнне распаўсюджваецца і на дарослых спартсменаў. Удзел у спаборніцтвах будзе ажыццяўляцца ў адпаведнасці з дзейнымі крытэрыямі і патрабаваннямі IWF.
Раней пра змякчэнне абмежаванняў у дачыненні да беларускіх спартсменаў паведаміў Міжнародны алімпійскі камітэт, пасля чаго падобныя рашэнні пачалі прымаць шэраг міжнародных спартыўных федэрацый.
Чытайце таксама:
Пяткевіч распавяла, што будзе з відамі спорту, якія не даюць выніку
Міжнародны саюз раварыстаў зняў абмежаванні з беларусаў
Міжнародная федэрацыя студэнцкага спорту зняла ўсе абмежаванні з беларусаў