Прэм'ерам Літвы стаў Міндаўгас Сінкявічус
Сёння Сейм Літвы прагаласаваў за кандыдатуру лідара Сацыял-дэмакратаў Міндаўгаса Сінкявічуса на пасаду прэм'ер-міністра. Ён змяніў на гэтай пасадзе Інгу Ругінене.
Міндаўгас Сінкявічус. Фота: O. Posaškova / Seimo kanceliarija
80 парламентарыяў выказаліся за, 2 супраць, 28 устрымаліся, паведамляе Radior.
Цяпер на працягу 15 дзён Сінкявічус павінен прадставіць склад новага ўрада і яго праграму. Раней Сінкявічус заяўляў, што ў новым кабінеце міністраў могуць змяніцца шэсць—сем міністраў.
Сінкявічусу — 42 гады, ён нарадзіўся ў Ёнаўскім раёне, быў мэрам Ёнаўскага раёна, у 2016‑2017 гадах міністрам эканомікі ва ўрадзе Саўлюса Сквярняліса.