Premjeram Litvy staŭ Mindaŭhas Sinkiavičus
Siońnia Siejm Litvy prahałasavaŭ za kandydaturu lidara Sacyjał-demakrataŭ Mindaŭhasa Sinkiavičusa na pasadu premjer-ministra. Jon źmianiŭ na hetaj pasadzie Inhu Ruhinienie.
Mindaŭhas Sinkiavičus. Fota: O. Posaškova / Seimo kanceliarija
80 parłamientaryjaŭ vykazalisia za, 2 suprać, 28 ustrymalisia, paviedamlaje Radior.
Ciapier na praciahu 15 dzion Sinkiavičus pavinien pradstavić skład novaha ŭrada i jaho prahramu. Raniej Sinkiavičus zajaŭlaŭ, što ŭ novym kabiniecie ministraŭ mohuć źmianicca šeść—siem ministraŭ.
Sinkiavičusu — 42 hady, jon naradziŭsia ŭ Jonaŭskim rajonie, byŭ meram Jonaŭskaha rajona, u 2016‑2017 hadach ministram ekanomiki va ŭradzie Saŭlusa Skviarnialisa.