СБУ атакавала авіябазу «Сакі» ў Крыме
Цэллю сталі ангары са знішчальнікамі.
Служба бяспекі Украіны заявіла пра ўдар па вайсковым аэрадроме «Сакі» ў акупаваным Крыме.
Галоўнай мэтай атакі стала інфраструктура аэрадрома. СБУ заяўляе, што пацверджана пяць траплянняў бяспілотнікаў па ангарах для захоўвання авіяцыйнай тэхнікі.
Паводле папярэдніх звестак СБУ, у момант удару ў двух ангарах знаходзіліся знішчальнікі Су-30 і Су-30СМ. Пасля атакі ў ангары з Су-30СМ зафіксавалі пажар, што, піша СБУ, сведчыць аб паспяховым паражэнні вайсковай цэлі.
Арыенціровачны кошт кожнага такога самалёта складае ад 30 да 50 мільёнаў долараў ЗША ў залежнасці ад мадыфікацыі і камплектацыі.
У спецслужбе падкрэслілі, што аперацыя прайшла ў межах 40‑дзённай кампаніі па ўздзеянні на РФ.