SBU atakavała avijabazu «Saki» ŭ Krymie
Cellu stali anhary sa źniščalnikami.
Słužba biaśpieki Ukrainy zajaviła pra ŭdar pa vajskovym aeradromie «Saki» ŭ akupavanym Krymie.
Hałoŭnaj metaj ataki stała infrastruktura aeradroma. SBU zajaŭlaje, što paćvierdžana piać traplańniaŭ biaśpiłotnikaŭ pa anharach dla zachoŭvańnia avijacyjnaj techniki.
Pavodle papiarednich źviestak SBU, u momant udaru ŭ dvuch anharach znachodzilisia źniščalniki Su-30 i Su-30SM. Paśla ataki ŭ anhary z Su-30SM zafiksavali pažar, što, piša SBU, śviedčyć ab paśpiachovym paražeńni vajskovaj celi.
Aryjencirovačny košt kožnaha takoha samalota składaje ad 30 da 50 miljonaŭ dołaraŭ ZŠA ŭ zaležnaści ad madyfikacyi i kamplektacyi.
U śpiecsłužbie padkreślili, što apieracyja prajšła ŭ miežach 40‑dzionnaj kampanii pa ŭździejańni na RF.