Дрон прыляцеў у пасажырскі аўтобус на мяжы Расіі і Беларусі
Аўтобус ехаў з Мінска ў Анапу праз Гомель, унутры былі два кіроўцы і 19 пасажыраў.
Скрыншот з відэа
Паведамлялася, што ўдар прыйшоўся ў лабавое шкло. Здарэнне адбылося ў Чырвоным Камені ў Бранскай вобласці а 11:55.
Пад ударам апынуўся аўтобус Higer. Хутчэй за ўсё, гаворка ідзе пра вялікі аўтобус, але паўпусты — ахвотных ехаць у Анапу набралася няшмат.
Параненыя два кіроўцы, ім аказана медыцынская дапамога. Для эвакуацыі пасажыраў і кіроўцаў з Гомеля ўжо выехала спецгрупа, паведамляе тэлеканал «Мір».