Dron prylacieŭ u pasažyrski aŭtobus na miažy Rasii i Biełarusi
Aŭtobus jechaŭ ź Minska ŭ Anapu praz Homiel, unutry byli dva kiroŭcy i 19 pasažyraŭ.
Skrynšot ź videa
Paviedamlałasia, što ŭdar pryjšoŭsia ŭ łabavoje škło. Zdareńnie adbyłosia ŭ Čyrvonym Kamieni ŭ Branskaj vobłaści a 11:55.
Pad udaram apynuŭsia aŭtobus Higer. Chutčej za ŭsio, havorka idzie pra vialiki aŭtobus, ale paŭpusty — achvotnych jechać u Anapu nabrałasia niašmat.
Paranienyja dva kiroŭcy, im akazana miedycynskaja dapamoha. Dla evakuacyi pasažyraŭ i kiroŭcaŭ z Homiela ŭžo vyjechała śpiechrupa, paviedamlaje telekanał «Mir».