Ігар Сергеенка прыляцеў у Іран на пахаванне аяталы Хаменеі
Цырымонія развітання з аяталой будзе доўжыцца сем дзён.
Ігар Сергеенка ў Іране. Фота: прэс-служба парламента
Старшыня Палаты прадстаўнікоў Нацыянальнага сходу Ігар Сергеенка прыляцеў у Іран.
У міжнародным аэрапорце імя імама Хамейні Сергеенку сустрэў намеснік спікера Парламента Ірана Хамідрэза Хаджы-Бабаі.
Падчас візіту запланаваны сустрэчы з кіраўніцтвам краіны, паведамляе прэс-служба парламента. Абмеркаваць збіраюцца сумесныя эканамічныя і гуманітарныя праекты.
Сергеенка таксама прыме ўдзел у пахаванні аяталы Алі Хаменеі, якога забілі падчас удараў Ізраіля па Іране 28 лютага 2026 года. Цырымонія развітанне пройдзе 3‑9 ліпеня.
«Сыход з жыцця Алі Хаменеі з’яўляецца незваротнай стратай не толькі для іранскага народа, але і для дружалюбных Ірану краін, якія на працягу многіх дзесяцігоддзяў былі сведкамі яго дзяржаўнай дзейнасці, накіраванай на ўмацаванне суверэнітэту, незалежнасці і нацыянальнай годнасці сваёй краіны», — казаў Сергеенка на сустрэчы са старшынёй Сходу ісламскага савета Ірана Махамадам-Багерам Галібафам.