Ihar Sierhiejenka prylacieŭ u Iran na pachavańnie ajatały Chamieniei
Cyrymonija raźvitańnia z ajatałoj budzie doŭžycca siem dzion.
Ihar Sierhiejenka ŭ Iranie. Fota: pres-słužba parłamienta
Staršynia Pałaty pradstaŭnikoŭ Nacyjanalnaha schodu Ihar Sierhiejenka prylacieŭ u Iran.
U mižnarodnym aeraporcie imia imama Chamiejni Sierhiejenku sustreŭ namieśnik śpikiera Parłamienta Irana Chamidreza Chadžy-Babai.
Padčas vizitu zapłanavany sustrečy z kiraŭnictvam krainy, paviedamlaje pres-słužba parłamienta. Abmierkavać źbirajucca sumiesnyja ekanamičnyja i humanitarnyja prajekty.
Sierhiejenka taksama prymie ŭdzieł u pachavańni ajatały Ali Chamieniei, jakoha zabili padčas udaraŭ Izraila pa Iranie 28 lutaha 2026 hoda. Cyrymonija raźvitańnie projdzie 3‑9 lipienia.
«Sychod z žyćcia Ali Chamieniei źjaŭlajecca niezvarotnaj strataj nie tolki dla iranskaha naroda, ale i dla družalubnych Iranu krain, jakija na praciahu mnohich dziesiacihodździaŭ byli śviedkami jaho dziaržaŭnaj dziejnaści, nakiravanaj na ŭmacavańnie suvierenitetu, niezaležnaści i nacyjanalnaj hodnaści svajoj krainy», — kazaŭ Sierhiejenka na sustrečy sa staršynioj Schodu isłamskaha savieta Irana Machamadam-Bahieram Halibafam.