УСУ атакавалі ў Крыме яшчэ адзін чыгуначны мост
Узброеныя сілы Украіны паведамілі пра ўдары ў ноч на 3 ліпеня па некалькіх вайсковых аб'ектах у акупаваным Крыме.
Фота ілюстрацыйнае
Па інфармацыі Генеральнага штаба УСУ, украінскім вайскоўцам удалося паразіць чыгуначны мост цераз Краснагвардзейскі канал, які, як сцвярджаецца, выкарыстоўваўся расійскімі войскамі для перавозкі асабовага складу, узбраенняў, боепрыпасаў і іншых матэрыяльна-тэхнічных сродкаў. Маштаб пашкоджанняў удакладняецца.
Акрамя таго, украінскі бок заявіў пра паражэнне станцыі радыёэлектроннай барацьбы ў раёне Арцёмаўкі і падраздзялення радыёэлектроннай разведкі ў Севастопалі.
Раней паведамлялася таксама пра пажары як мінімум на пяці электрападстанцыях у розных раёнах Крыма. Паводле паведамленняў, агонь закрануў падстанцыі ў Белагорску, Мар'янаўцы, Старым Крыме і Джанкоі, у тым ліку аб'екты, якія забяспечваюць электразабеспячэнне вайсковай інфраструктуры.
Чытайце таксама:
Украіна зноў ударыла па расійскіх аэрадромах у Крыме
Расія пачала ставіць антыдронавыя «мангалы» на падводныя лодкі Чарнаморскага флоту
Чаму Крэмль не здольны спыніць паліўны крызіс у Маскве нават цаной татальнага дэфіцыту ў рэгіёнах