USU atakavali ŭ Krymie jašče adzin čyhunačny most
Uzbrojenyja siły Ukrainy paviedamili pra ŭdary ŭ noč na 3 lipienia pa niekalkich vajskovych abjektach u akupavanym Krymie.
Fota ilustracyjnaje
Pa infarmacyi Hienieralnaha štaba USU, ukrainskim vajskoŭcam udałosia parazić čyhunačny most cieraz Krasnahvardziejski kanał, jaki, jak śćviardžajecca, vykarystoŭvaŭsia rasijskimi vojskami dla pieravozki asabovaha składu, uzbrajeńniaŭ, bojeprypasaŭ i inšych materyjalna-techničnych srodkaŭ. Maštab paškodžańniaŭ udakładniajecca.
Akramia taho, ukrainski bok zajaviŭ pra paražeńnie stancyi radyjoelektronnaj baraćby ŭ rajonie Arciomaŭki i padraździaleńnia radyjoelektronnaj raźviedki ŭ Sievastopali.
Raniej paviedamlałasia taksama pra pažary jak minimum na piaci elektrapadstancyjach u roznych rajonach Kryma. Pavodle paviedamleńniaŭ, ahoń zakranuŭ padstancyi ŭ Biełahorsku, Marjanaŭcy, Starym Krymie i Džankoi, u tym liku abjekty, jakija zabiaśpiečvajuć elektrazabieśpiačeńnie vajskovaj infrastruktury.
Čytajcie taksama:
Ukraina znoŭ udaryła pa rasijskich aeradromach u Krymie
Rasija pačała stavić antydronavyja «manhały» na padvodnyja łodki Čarnamorskaha fłotu
Čamu Kreml nie zdolny spynić paliŭny kryzis u Maskvie navat canoj tatalnaha deficytu ŭ rehijonach