У Падмаскоўі ў выніку падзення беспілотніка загінулі тры чалавекі
Узнік пажар у пяці прыватных дамах.
Фота: Андрэй Вараб'ёў
У пасёлку Піянерскі ў Істрынскай акрузе загінулі тры чалавекі, яшчэ трое пацярпелі «ў выніку падзення беспілотніка», паведаміў губернатар Маскоўскай вобласці Андрэй Вараб'ёў.
Паводле яго слоў, узнік пажар у пяці прыватных дамах, піша «Дождь».
Кіраўнік рэгіёна таксама напісаў, што ў Сонечнагорску быў пашкоджаны шматкватэрны жылы дом, пацярпелі два чалавекі. Яшчэ два прыватныя дамы былі пашкоджаныя ў вёсцы Бабкіна, паведаміў Вараб'ёў.
Губернатар паведаміў, што над тэрыторыяй рэгіёна быў збіты і заглушаны 81 беспілотны лятальны апарат».