U Padmaskoŭi ŭ vyniku padzieńnia bieśpiłotnika zahinuli try čałavieki
Uźnik pažar u piaci pryvatnych damach.
Fota: Andrej Varabjoŭ
U pasiołku Pijanierski ŭ Istrynskaj akruzie zahinuli try čałavieki, jašče troje paciarpieli «ŭ vyniku padzieńnia bieśpiłotnika», paviedamiŭ hubiernatar Maskoŭskaj vobłaści Andrej Varabjoŭ.
Pavodle jaho słoŭ, uźnik pažar u piaci pryvatnych damach, piša «Dožd́».
Kiraŭnik rehijona taksama napisaŭ, što ŭ Soniečnahorsku byŭ paškodžany šmatkvaterny žyły dom, paciarpieli dva čałavieki. Jašče dva pryvatnyja damy byli paškodžanyja ŭ vioscy Babkina, paviedamiŭ Varabjoŭ.
Hubiernatar paviedamiŭ, što nad terytoryjaj rehijona byŭ źbity i zahłušany 81 bieśpiłotny latalny aparat».