Караеў праінспектаваў Мір пасля скаргаў, што турыстам там няма дзе паесці
У наступным годзе будзе 500‑гадовы юбілей Мірскага замка.
Фота тут і далей: тэлеграм-канал «Пул 4 Рэгіён»
14 ліпеня ў Мір прыехаў з інспекцыяй кіраўнік Гродзенскай вобласці Юрый Караеў.
Паколькі ў наступным годзе Мірскі замак, уключаны ў спіс Сусветнай спадчыны ЮНЕСКА, адзначыць сваё 500-годдзе, то абмяркоўвалі падрыхтоўку да юбілею.
Караеў таксама даручыў апытаць жыхароў пасёлка, каб вызначыць найбольш зручнае месца для рынку.
Размяжуюць зоны гандлю і аўтастаянкі каля Мірскага замка. «Гэта дазволіць упарадкаваць транспартныя патокі, выключыць хаатычную паркоўку паблізу гістарычнага аб'екта і адначасова забяспечыць зручны доступ турыстаў і мясцовых жыхароў да гандлёвых пунктаў», — сканала ў канале «Пул 4 Рэгіён».
Нагадаем, нядаўна турысты ўздымалі праблему, што ў Міры няма дзе паесці — усё занята для спецабслугоўвання экскурсійных аўтобусаў.
Кіраўнік Рэспубліканскага саюза турыстычнай індустрыі Філіп Гулы пасля казаў, што Мір і Нясвіж перагружаны турыстамі з-за ўплыву блогераў і сацсетак.