На даху Нацыянальнай бібліятэкі зладзілі вечарыну з відам на Мінск. Вось як гэта было ШМАТ ФОТА

У пятніцу ўвечары каля Нацыянальнай бібліятэкі выстраілася доўгая чарга: ахвотных трапіць на дыджэй-сэт «На вышыні» было так шмат, што наведвальнікам давялося чакаць свайго пад’ёму на аглядную пляцоўку. Умяшчальнасць даху — 500 чалавек, таму гасцей запускалі паступова. Фатограф выдання «Анлайнер» падняўся наверх і зняў, як прайшоў музычны вечар. 

Захад сонца, панарама вечаровага Мінска і электронная музыка — такі фармат Нацыянальная бібліятэка ўжо тэставала падчас «Бібліяночы» і фестывалю «Бібліялета», але гэтым разам дыджэй-сэт упершыню стаў самастойным мерапрыемствам.

За вечар на агляднай пляцоўцы выступілі Brener, DJ Chaki і Alena Soroko. Нехта танцаваў проста каля дыджэйскага пульта, нехта здымаў на тэлефон захад і горад, а іншыя проста гулялі па пляцоўцы з відам на вечаровы Мінск.

Каментары да артыкула