Na dachu Nacyjanalnaj biblijateki zładzili viečarynu ź vidam na Minsk. Voś jak heta było ŠMAT FOTA

U piatnicu ŭviečary kala Nacyjanalnaj biblijateki vystraiłasia doŭhaja čarha: achvotnych trapić na dydžej-set «Na vyšyni» było tak šmat, što naviedvalnikam daviałosia čakać svajho padjomu na ahladnuju placoŭku. Umiaščalnaść dachu — 500 čałaviek, tamu haściej zapuskali pastupova. Fatohraf vydańnia «Anłajnier» padniaŭsia navierch i źniaŭ, jak prajšoŭ muzyčny viečar. 

Zachad sonca, panarama viečarovaha Minska i elektronnaja muzyka — taki farmat Nacyjanalnaja biblijateka ŭžo testavała padčas «Biblijanočy» i fiestyvalu «Biblijaleta», ale hetym razam dydžej-set upieršyniu staŭ samastojnym mierapryjemstvam.

Za viečar na ahladnaj placoŭcy vystupili Brener, DJ Chaki i Alena Soroko. Niechta tancavaŭ prosta kala dydžejskaha pulta, niechta zdymaŭ na telefon zachad i horad, a inšyja prosta hulali pa placoŭcy ź vidam na viečarovy Minsk.

Kamientary da artykuła