Жыхары Нароўлі б’юць трывогу, што ў мясцовай бальніцы закрылі дзіцячае аддзяленне
Людзі наракаюць, што дзеці цяпер вымушаныя знаходзіцца на шпіталізацыі разам са старымі.
Ілюстрацыйнае фота. Крыніца: «Прыпяцкая праўда»
У прыёмнай раённай бальніцы кажуць, што не ў курсе ніякіх перамен, тым больш — «начмед знаходзіцца ў адпачынку».
У самім жа дзіцячым аддзяленні распавялі, што дзеці цяпер сапраўды знаходзяцца не ў педыятрыі, а ў агульным хірургічным аддзяленні.
Удакладніць, ці часовая гэта мера для пацыентаў і з чым яна звязаная, нам не змаглі.
Пры гэтым дзяржаўная прэса рапартуе, што педыятрыя функцыянуе ў штатным рэжыме. А часовыя ператасаванні звязаныя з правядзеннем рамонту на першым паверсе бальніцы, дзе раней і стаялі дзіцячыя ложкі.