Žychary Naroŭli bjuć tryvohu, što ŭ miascovaj balnicy zakryli dziciačaje adździaleńnie
Ludzi narakajuć, što dzieci ciapier vymušanyja znachodzicca na špitalizacyi razam sa starymi.
Ilustracyjnaje fota. Krynica: «Prypiackaja praŭda»
U pryjomnaj rajonnaj balnicy kažuć, što nie ŭ kursie nijakich pieramien, tym bolš — «načmied znachodzicca ŭ adpačynku».
U samim ža dziciačym adździaleńni raspaviali, što dzieci ciapier sapraŭdy znachodziacca nie ŭ piedyjatryi, a ŭ ahulnym chirurhičnym adździaleńni.
Udakładnić, ci časovaja heta miera dla pacyjentaŭ i z čym jana źviazanaja, nam nie zmahli.
Pry hetym dziaržaŭnaja presa rapartuje, što piedyjatryja funkcyjanuje ŭ štatnym režymie. A časovyja pieratasavańni źviazanyja z praviadzieńniem ramontu na pieršym paviersie balnicy, dzie raniej i stajali dziciačyja łožki.