Пуцін заклікаў Арменію правесці рэферэндум аб членстве ў ЕС
Прэм'ер-міністр Арменіі Нікол Пашынян упершыню пасля чэрвеньскіх парламенцкіх выбараў правёў размову з прэзідэнтам Расіі.
Фота: Alexander Kazakov, Sputnik, Kremlin Pool Photo via AP
Як паведаміла прэс-служба ўрада Арменіі, Пашынян заклікаў Маскву прыняць меры ў сувязі з уведзенымі Расіяй абмежаваннямі на імпарт армянскай прадукцыі. На думку Ерэвана, гэтыя меры супярэчаць двухбаковым пагадненням і правілам Еўразійскага эканамічнага саюза (ЕАЭС).
У сваю чаргу Крэмль заявіў, што Пуцін «акцэнтаваў неабходнасць правядзення ў Арменіі ў як мага карацейшыя тэрміны агульнанацыянальнага рэферэндуму аб уступленні ў Еўрапейскі саюз або далейшым знаходжанні ў складзе ЕАЭС».
Паводле паведамлення ўрада Арменіі, Пашынян адказаў, што правядзенне такога рэферэндуму магчыма толькі пасля таго, як краіна падасць афіцыйную заяўку на ўступленне ў Еўрапейскі саюз.