Pucin zaklikaŭ Armieniju pravieści refierendum ab členstvie ŭ ES
Premjer-ministr Armienii Nikoł Pašynian upieršyniu paśla červieńskich parłamienckich vybaraŭ pravioŭ razmovu z prezidentam Rasii.
Fota: Alexander Kazakov, Sputnik, Kremlin Pool Photo via AP
Jak paviedamiła pres-słužba ŭrada Armienii, Pašynian zaklikaŭ Maskvu pryniać miery ŭ suviazi z uviedzienymi Rasijaj abmiežavańniami na impart armianskaj pradukcyi. Na dumku Jerevana, hetyja miery supiarečać dvuchbakovym pahadnieńniam i praviłam Jeŭrazijskaha ekanamičnaha sajuza (JEAES).
U svaju čarhu Kreml zajaviŭ, što Pucin «akcentavaŭ nieabchodnaść praviadzieńnia ŭ Armienii ŭ jak maha karaciejšyja terminy ahulnanacyjanalnaha refierendumu ab ustupleńni ŭ Jeŭrapiejski sajuz abo dalejšym znachodžańni ŭ składzie JEAES».
Pavodle paviedamleńnia ŭrada Armienii, Pašynian adkazaŭ, što praviadzieńnie takoha refierendumu mahčyma tolki paśla taho, jak kraina padaść aficyjnuju zajaŭku na ŭstupleńnie ŭ Jeŭrapiejski sajuz.