У Бабруйску дзевяцігадовы хлопчык упаў з яблыні і пакалечыўся
Няшчасны выпадак адбыўся ўвечары 27 ліпеня. Дзевяцігадовы хлопчык, які прыехаў з Расіі на летнія канікулы да бабулі, падчас прагулкі вырашыў узлезці на дзікарослую яблыню недалёка ад дома, паведамляе Следчы камітэт.
Знаходзячыся на вышыні каля трох з паловай метраў, дзіця не ўтрымалася і ўпала на бетонную тратуарную плітку. У выніку падзення хлопчык атрымаў цяжкія траўмы галавы.
Брыгада хуткай медыцынскай дапамогі аператыўна даставіла пацярпелага ў рэанімацыйнае аддзяленне бальніцы. Паводле інфармацыі медыкаў, яго стан застаецца цяжкім.