U Babrujsku dzieviacihadovy chłopčyk upaŭ ź jabłyni i pakalečyŭsia
Niaščasny vypadak adbyŭsia ŭviečary 27 lipienia. Dzieviacihadovy chłopčyk, jaki pryjechaŭ z Rasii na letnija kanikuły da babuli, padčas prahułki vyrašyŭ uźleźci na dzikarosłuju jabłyniu niedaloka ad doma, paviedamlaje Śledčy kamitet.
Znachodziačysia na vyšyni kala troch z pałovaj mietraŭ, dzicia nie ŭtrymałasia i ŭpała na bietonnuju tratuarnuju plitku. U vyniku padzieńnia chłopčyk atrymaŭ ciažkija traŭmy hałavy.
Bryhada chutkaj miedycynskaj dapamohi apieratyŭna dastaviła paciarpiełaha ŭ reanimacyjnaje adździaleńnie balnicy. Pavodle infarmacyi miedykaŭ, jaho stan zastajecca ciažkim.