Латвія «па тэхнічных прычынах» закрыла мяжу з Беларуссю
Латвія 31 ліпеня закрыла мяжу з Беларуссю, афіцыйна патлумачыўшы гэта «тэхнічнымі прычынамі». Пра гэта паведаміў міністр унутраных спраў Латвіі Яніс Дамбрава.
Здымак ілюстрацыйны. Фота: Alexander Welscher/picture alliance via Getty Images
Яніс Дамбрава заклікаў тых грамадзян, якія яшчэ знаходзяцца ў Беларусі, вяртацца ў Латвію іншымі маршрутамі.
За дзень да таго міністр рэкамендаваў жыхарам Латвіі не планаваць паездак у Беларусь, спасылаючыся на магчымыя праблемы з бяспечным перамяшчэннем ва ўмовах «гібрыднай вайны з боку Беларусі».
Дагэтуль паміж Беларуссю і Латвіяй працаваў толькі адзін прапускны пункт: Грыгароўшчына — Патэрніекі.
Рашэнне прынята на фоне росту колькасці спробаў нелегальнага перасячэння беларуска-латвійскай мяжы мігрантамі. Паводле латвійскіх уладаў, апошнімі тыднямі такія спробы фіксуюцца дзясяткамі штодня.
Чытайце таксама:
У Латвіі накрылі гіганцкую падпольную фабрыку па вытворчасці цыгарэт. На ёй працавала шмат беларусаў
«Значна больш, чым звычайна». У Эстоніі затрымалі 32 мігрантаў, якія прыбылі праз Беларусь і Латвію
У Латвіі прыбяруць дарожныя знакі, якія ўказваюць на Беларусь і Расію