У Латвіі накрылі гіганцкую падпольную фабрыку па вытворчасці цыгарэт. На ёй працавала шмат беларусаў
Падпольная вытворчасць на захадзе Латвіі працавала на поўную магутнасць і магла выпускаць каля 1,5 мільёна цыгарэт за дзень. Былі праведзены 11 ператрусаў і затрыманы 18 чалавек, а для ліквідацыі фабрыкі нават распрацавалі спецыяльны план, паведамляе Delfi.lv.
Фабрыка была абсталявана дзвюма вытворчымі лініямі для вырабу цыгарэт, дзвюма лініямі для ўпакоўкі цыгарэтных пачкаў і дзвюма ўстаноўкамі для ўпакоўкі блокаў цыгарэт. Таксама на прадпрыемстве знаходзілася абсталяванне для драбнення і сушкі тытунёвага лісця, якое забяспечвала падрыхтоўку тытуню для вытворчасці цыгарэт.
Паводле папярэдніх ацэнак, магутнасць прадпрыемства дазваляла выпускаць каля 1,5 мільёна цыгарэт за дзень.
На момант затрымання на вытворчых лініях выпускаліся цыгарэты марак Marlboro Red і Rothmans Slim. У той жа час выяўленыя на фабрыцы матэрыялы і ўпакоўка даюць падставы меркаваць, што там таксама вырабляліся падробленыя цыгарэты іншых марак, у тым ліку Winston і Marlboro Gold.
Цікава, што фабрыка была цалкам прыстасавана для пастаяннага пражывання работнікаў. У памяшканнях былі абсталяваныя кухня, створаны запасы прадуктаў харчавання, арганізаваны спальныя месцы, устаноўлены пральныя машыны, а таксама душавыя і санітарныя памяшканні.
Беларусы, якія працавалі на фабрыцы, знаходзіліся ў поўнай ізаляцыі ад знешняга свету.
Усяго былі затрыманы 18 чалавек. У дачыненні да 17 з іх у якасці меры стрымання абрана заключэнне пад варту. Аднаму падазраванаму суд замяніў арышт закладам.
Падчас ператрусаў на фабрыцы, звязаным з ёй складзе і ў грузавым аўтамабілі былі канфіскаваны сыравіна і матэрыялы, неабходныя для поўнага цыкла вытворчасці цыгарэт. Канфіскаваныя прадметы сведчаць пра тое, што злачынная група была здольная самастойна выконваць усе этапы вырабу і ўпакоўкі цыгарэт.
Былі канфіскаваны тытунь, плёнка, фольга, папера, клей, цыгарэтныя фільтры, нарыхтоўкі для цыгарэтных пачкаў і ўпакоўкі цыгарэтных блокаў. Усяго канфіскавана больш за 4 000 скрынак з сыравінай для вытворчасці, 58 палет з матэрыяламі для ўпакоўкі прадукцыі, у тым ліку больш за 60 тон тытуню, а таксама 2,4 мільёна толькі што вырабленых цыгарэт.
Цяпер чытаюць
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі5
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2626
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра26
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы2929
Каментары
Тое самае і ў Ле-туве.