Галоўны корпус Нацыянальнага мастацкага музея ўрачыста закрыюць на рэканструкцыю
Музей запрашае на спецыяльную акцыю.
10 жніўня стане апошнім днём працы галоўнага корпуса Нацыянальнага мастацкага музея Беларусі перад закрыццём на рэканструкцыю. У сувязі з гэтым супрацоўнікі падрыхтавалі асаблівую праграму і адмысловы дызайн квіткоў.
Мерапрыемствы пачнуцца а 12‑й гадзіне. Тады адбудзецца экскурсія па экспазіцыі рускай калекцыі.
У 17:00 запланаваны перфоманс «Кансервацыя паветра галоўнага корпуса». Гасцей заклікаюць прыходзіць з пустымі шклянкамі, каб захаваць паветра на памяць.
У апошні дзень перад закрыццём галоўны корпус НММ будзе працаваць з 11 да 19 гадзін.
Рэканструкцыю плануюць скончыць у 2027 годзе. Падчас яе збіраюцца аднавіць гістарычны выгляд, уключаючы ўнутраную ляпніну.