Hałoŭny korpus Nacyjanalnaha mastackaha muzieja ŭračysta zakryjuć na rekanstrukcyju
Muziej zaprašaje na śpiecyjalnuju akcyju.
10 žniŭnia stanie apošnim dniom pracy hałoŭnaha korpusa Nacyjanalnaha mastackaha muzieja Biełarusi pierad zakryćciom na rekanstrukcyju. U suviazi z hetym supracoŭniki padrychtavali asablivuju prahramu i admysłovy dyzajn kvitkoŭ.
Mierapryjemstvy pačnucca a 12‑j hadzinie. Tady adbudziecca ekskursija pa ekspazicyi ruskaj kalekcyi.
U 17:00 zapłanavany pierfomans «Kansiervacyja pavietra hałoŭnaha korpusa». Haściej zaklikajuć prychodzić z pustymi šklankami, kab zachavać pavietra na pamiać.
U apošni dzień pierad zakryćciom hałoŭny korpus NMM budzie pracavać z 11 da 19 hadzin.
Rekanstrukcyju płanujuć skončyć u 2027 hodzie. Padčas jaje źbirajucca adnavić histaryčny vyhlad, uklučajučy ŭnutranuju lapninu.