«Белавія» карэктуе свае расклады праз сітуацыю ў Расіі
У сувязі з абмежаваннямі на выкарыстанне паветранай прасторы Расійскай Федэрацыі авіякампанія «Белавія» вымушана ўносіць змены ў аператыўны план палётаў.
Здымак ілюстрацыйны. Фота: Lookby.media
Для гарантавання бяспекі самалёты аблятаюць закрытыя зоны. На асобных напрамках таксама выконваюцца тэхнічныя пасадкі для дазапраўкі. Гэтыя меры ўплываюць на палётную праграму ў цэлым і могуць прыводзіць як да затрымак, так і да карэктавання раскладу рэйсаў.
Пасажыраў просяць у найбліжэйшыя дні правяраць актуальны статус свайго рэйса ў раздзеле «Табло вылету-прыбыцця» на сайце «Белавія» або на сайце аэрапорта вылету.
У авіякампаніі адзначылі, што прымаюць усе неабходныя меры для гарантавання бяспекі палётаў і па магчымасці імкнуцца мінімізаваць нязручнасці, выкліканыя сітуацыяй.
«Белавія» папрасіла пасажыраў паставіцца да магчымых зменаў з разуменнем і прынесла прабачэнні за нязручнасці.
Чытайце таксама:
«Белавія» купіла тры «Боінгі». Яны прыляцелі з самай малой краіны Афрыкі