«Biełavija» karektuje svaje raskłady praź situacyju ŭ Rasii
U suviazi z abmiežavańniami na vykarystańnie pavietranaj prastory Rasijskaj Fiederacyi avijakampanija «Biełavija» vymušana ŭnosić źmieny ŭ apieratyŭny płan palotaŭ.
Zdymak ilustracyjny. Fota: Lookby.media
Dla harantavańnia biaśpieki samaloty ablatajuć zakrytyja zony. Na asobnych napramkach taksama vykonvajucca techničnyja pasadki dla dazapraŭki. Hetyja miery ŭpłyvajuć na palotnuju prahramu ŭ cełym i mohuć pryvodzić jak da zatrymak, tak i da karektavańnia raskładu rejsaŭ.
Pasažyraŭ prosiać u najbližejšyja dni praviarać aktualny status svajho rejsa ŭ raździele «Tabło vyletu-prybyćcia» na sajcie «Biełavija» abo na sajcie aeraporta vyletu.
U avijakampanii adznačyli, što prymajuć usie nieabchodnyja miery dla harantavańnia biaśpieki palotaŭ i pa mahčymaści imknucca minimizavać niazručnaści, vyklikanyja situacyjaj.
«Biełavija» paprasiła pasažyraŭ pastavicca da mahčymych źmienaŭ z razumieńniem i pryniesła prabačeńni za niazručnaści.
Čytajcie taksama:
«Biełavija» kupiła try «Boinhi». Jany prylacieli z samaj małoj krainy Afryki