Швецыя: Беларусам-эмігрантам больш не трэба ехаць у Беларусь па новы пашпарт
Скандынаўская краіна абнавіла свае падыходы.
Стакгольм
Міграцыйная служба Швецыі 10 жніўня 2026 года абнавіла сваю прававую пазіцыю наконт магчымасцей беларускіх грамадзян атрымаць пашпарт.
Нагадаем, з верасня 2023 года беларускія дыпламатычныя прадстаўніцтвы за мяжой страцілі права выдаваць і працягваць пашпарты.
У абноўленым дакуменце пазначана: у цяперашніх умовах беларусаў не варта заклікаць ехаць у Беларусь для замены пашпарту.
Беларускія грамадзяне, якія знаходзяцца па-за межамі краіны, цяпер лічацца тымі, хто не мае магчымасці аформіць дзейны пашпартны дакумент. Гэта дае ім права на замежны пашпарт (främlingspass) ад шведскіх уладаў — праўда, з абмежаваннем: такі дакумент не будзе дзейнічаць для паездак у саму Беларусь.