Šviecyja: Biełarusam-emihrantam bolš nie treba jechać u Biełaruś pa novy pašpart
Skandynaŭskaja kraina abnaviła svaje padychody.
Stakholm
Mihracyjnaja słužba Šviecyi 10 žniŭnia 2026 hoda abnaviła svaju pravavuju pazicyju nakont mahčymaściej biełaruskich hramadzian atrymać pašpart.
Nahadajem, ź vieraśnia 2023 hoda biełaruskija dypłamatyčnyja pradstaŭnictvy za miažoj stracili prava vydavać i praciahvać pašparty.
U abnoŭlenym dakumiencie paznačana: u ciapierašnich umovach biełarusaŭ nie varta zaklikać jechać u Biełaruś dla zamieny pašpartu.
Biełaruskija hramadzianie, jakija znachodziacca pa-za miežami krainy, ciapier ličacca tymi, chto nie maje mahčymaści aformić dziejny pašpartny dakumient. Heta daje im prava na zamiežny pašpart (främlingspass) ad šviedskich uładaŭ — praŭda, z abmiežavańniem: taki dakumient nie budzie dziejničać dla pajezdak u samu Biełaruś.