У Мядзелі вырасцілі гіганцкі памідор
Яго вага — паўтара кілаграма.
На прысядзібным участку Галіны Куцкевіч з Мядзела саспеў сапраўдны агародны рэкардсмен — велізарны памідор вагой 1,5 кг.
Каб уявіць памер ураджаю, дастаткова параўнання: адзін такі тамат на вагах аказаўся б цяжэйшым за невялікую чараду з чатырох галубоў, піша narachanka.by.
Каб з’есці такога гіганта за адзін раз, давядзецца пастарацца. З яго атрымаецца вялікі рондаль гаспача, пара слоікаў густой аджыкі або запас таматаў ва ўласным соку на зіму.
Сама агародніца прызнаецца, што ніякага сакрэту няма — толькі добрая зямля, своечасовы паліў і шмат сонца.