Міжнародная федэрацыя каноэ зніме ўсе абмежаванні з беларусаў
Міжнародная федэрацыя каноэ (Paddle Worldwide) з 1 студзеня 2027 года плануе цалкам зняць абмежаванні з беларускіх і расійскіх спартсменаў.
Здымак ілюстрацыйны. Фота: magnific.com
Паводле рашэння арганізацыі, беларускія і расійскія байдарачнікі і канаісты атрымаюць магчымасць выступаць на міжнародных спаборніцтвах пад назвамі сваіх краін, са сцягамі, гімнамі і іншай дзяржаўнай атрыбутыкай.
Да канца 2026 года спартсмены з Беларусі і Расіі яшчэ будуць выступаць у нейтральным статусе. Рашэнне прынята ў адпаведнасці з рэкамендацыямі Міжнароднага алімпійскага камітэта.
Пры гэтым прадугледжаныя асобныя выключэнні. Яны тычацца турніраў, права на правядзенне якіх было афіцыйна дадзена да 1 студзеня 2027 года. Калі паўнавартаснаму ўдзелу беларускіх і расійскіх спартсменаў будуць перашкаджаць заканадаўства або рашэнні ўладаў краіны-гаспадара, яны змогуць удзельнічаць без нацыянальнай сімволікі падчас афіцыйных цырымоній. Калі ж абмежаванні будуць яшчэ больш жорсткімі, спартсмены выступяць у нейтральным статусе.
Такім чынам, з пачатку 2027 года для беларускіх прадстаўнікоў веславання на байдарках і каноэ плануецца вяртанне нацыянальнай сімволікі і паўнавартаснага статусу на міжнароднай арэне.
Чытайце таксама:
Міжнародная федэрацыя хакея на траве зняла абмежаванні з беларускіх каманд
З беларускіх шахматыстаў знялі ўсе абмежаванні
Беларускіх гандбалістаў вяртаюць на міжнародныя спаборніцтвы