Mižnarodnaja fiederacyja kanoe źnimie ŭsie abmiežavańni ź biełarusaŭ
Mižnarodnaja fiederacyja kanoe (Paddle Worldwide) z 1 studzienia 2027 hoda płanuje całkam źniać abmiežavańni ź biełaruskich i rasijskich spartsmienaŭ.
Zdymak ilustracyjny. Fota: magnific.com
Pavodle rašeńnia arhanizacyi, biełaruskija i rasijskija bajdaračniki i kanaisty atrymajuć mahčymaść vystupać na mižnarodnych spabornictvach pad nazvami svaich krain, sa ściahami, himnami i inšaj dziaržaŭnaj atrybutykaj.
Da kanca 2026 hoda spartsmieny ź Biełarusi i Rasii jašče buduć vystupać u niejtralnym statusie. Rašeńnie pryniata ŭ adpaviednaści z rekamiendacyjami Mižnarodnaha alimpijskaha kamiteta.
Pry hetym praduhledžanyja asobnyja vyklučeńni. Jany tyčacca turniraŭ, prava na praviadzieńnie jakich było aficyjna dadziena da 1 studzienia 2027 hoda. Kali paŭnavartasnamu ŭdziełu biełaruskich i rasijskich spartsmienaŭ buduć pieraškadžać zakanadaŭstva abo rašeńni ŭładaŭ krainy-haspadara, jany zmohuć udzielničać biez nacyjanalnaj simvoliki padčas aficyjnych cyrymonij. Kali ž abmiežavańni buduć jašče bolš žorstkimi, spartsmieny vystupiać u niejtralnym statusie.
Takim čynam, z pačatku 2027 hoda dla biełaruskich pradstaŭnikoŭ viesłavańnia na bajdarkach i kanoe płanujecca viartańnie nacyjanalnaj simvoliki i paŭnavartasnaha statusu na mižnarodnaj arenie.
Čytajcie taksama:
Mižnarodnaja fiederacyja chakieja na travie źniała abmiežavańni ź biełaruskich kamand
Ź biełaruskich šachmatystaŭ źniali ŭsie abmiežavańni
Biełaruskich handbalistaŭ viartajuć na mižnarodnyja spabornictvy