Цэлы месяц праз памежны пераход у Брэсце могуць прапускаць павольней, чым звычайна
З 13 жніўня да 10 верасня на ўездзе ў пункт пропуску «Брэст» будуць праводзіцца рамонтныя работы на навясных канструкцыях, паведаміла прэс-служба Дзяржаўнага мытнага камітэта.
Фота: Дзяржаўны мытны камітэт
Каб па магчымасці зменшыць нязручнасці для людзей, якія ўязджаюць у Беларусь, работы будуць выконвацца паэтапна.
Аднак рамонт можа паўплываць на хуткасць праходжання памежнага кантролю і павялічыць час чакання на мяжы.
Таму падчас планавання паездкі праз беларуска-польскую мяжу ў гэты перыяд рэкамендуецца ўлічваць магчымыя затрымкі ў пункце пропуску «Брэст».
Чытайце таксама:
З-за ўдару дрона не працуе пункт пропуску на беларуска-расійскай мяжы
Як жывуць людзі ў найбліжэйшым да Беларусі латвійскім райцэнтры і што думаюць пра закрыццё мяжы