Ceły miesiac praz pamiežny pierachod u Breście mohuć prapuskać pavolniej, čym zvyčajna
Z 13 žniŭnia da 10 vieraśnia na ŭjeździe ŭ punkt propusku «Brest» buduć pravodzicca ramontnyja raboty na naviasnych kanstrukcyjach, paviedamiła pres-słužba Dziaržaŭnaha mytnaha kamiteta.
Fota: Dziaržaŭny mytny kamitet
Kab pa mahčymaści źmienšyć niazručnaści dla ludziej, jakija ŭjazdžajuć u Biełaruś, raboty buduć vykonvacca paetapna.
Adnak ramont moža paŭpłyvać na chutkaść prachodžańnia pamiežnaha kantrolu i pavialičyć čas čakańnia na miažy.
Tamu padčas płanavańnia pajezdki praź biełaruska-polskuju miažu ŭ hety pieryjad rekamiendujecca ŭličvać mahčymyja zatrymki ŭ punkcie propusku «Brest».
Čytajcie taksama:
Z-za ŭdaru drona nie pracuje punkt propusku na biełaruska-rasijskaj miažy
Jak žyvuć ludzi ŭ najbližejšym da Biełarusi łatvijskim rajcentry i što dumajuć pra zakryćcio miažy