Лукашэнка заявіў, што злавіў 54‑кілаграмовага сома на Прыпяці. У папярэдняй байцы гэты ж сом важыў 57 кг
«Цэлую гадзіну выцягваў, а ён сумнымі вачыма глядзіць».
Ілюстрацыйнае фота
Пра гэта ён расказаў падчас урачыстай цырымоніі адкрыцця фестывалю «Кліч Палесся», паведамляе яго прэс-служба.
«Я аднойчы ў вас рыбачыў на сома. Злавіў сома — 54 кг. Цэлую гадзіну выцягваў. Выцягнулі яго багром, паклалі ў лодку, а ён сумнымі вачыма глядзіць. І пасля гэтага я на сома не рыбачу — перад вачыма гэтыя вочы. Шкада вялікую рыбу», — прызнаўся Аляксандр Лукашэнка.
Лукашэнка ўжо расказваў гэту гісторыю. Праўда, тады сом важыў 57 кг.